"صحصحوا معي "

سامحوني رح اكتب بالعامية لحتى "فش غلي " مزبوط وانا عم بكتب 
اليوم قبل ساعتين يمكن شغلت الراديوا وسمعت بنتين عم يحكوا ما بدي احكي مذعتين لانه عندها رح اسيئ للمذيعات بشكل عام وهذا ظلم ...
على كلا بنتين عم يحكوا كلام انا بستحي اناقشه ... يعني اذا بدي اناقشه مه حد رح يكون في مكان مغلق بيني وبين بنات لحساسية الموضوع .....
طريقة الحكي كانت طريقة " بنات شوارع " عذرا على التعبير لانه هذه الطريقة ...يعني والله اعجز عن التعبير 
على كلا اسم البرنامج صحصح وانا صحصحت معهن على الاخر ..
وشعرت بالاسئ والحزن فعلا لانه صار شباب وبنات يحكوا معهن وشاركوا بالموضوع ......
حسيت انه عم بدمرن جيل من الشباب بطرقتهن لعرض الموضوع ...
ما كملت البرنامج طبعا لانه بلشت اكتب بمقاله عن الموضوع ولكن رجعت وعدلت عن كتابة المقالة لانه عندها انا رح اعطي رئهن حجم ما بستحقه ....
سبحان الله حديث الرسول صل الله علية وسلم كان بنطبق عليهما تمام 
عن أبي هريرة رضي الله عنه قال: قال رسول الله صلى الله عليه وسلم:
((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،

قيل وما الرويبضة يا رسول الله ؟ .. قال: «الرجل التافه يتكلم في أمر العامة».
--------------------
ما بدي اكتب المقال لانه فعلا رح ببكون بس عم بساعد هيك برامج على الانتشار 
بس حبيت اقدم رسالة للناس ....لاي انسان رح يقراء او ممكن  تصله رسالتي 
اختار قدوتك بحذر لا يكون اي انسان هيك على الماشي تسمع كلامه 
ودوما دوما اختار الشخص الى اخلاقة عاليه قريبة من الاسلام لانه عندها بس رح تعرف شو معنى العزة 
يابنات الاسلام والله عزك كثير ورفع من شانك وقدرك فلا تهني نفسك بالابتعاد عنه وجرى وراء الروبيضه